جا رمضان
..
جا رمضان
والبكا في عنينا
ولسه
الشهيد دمه على ادينا
وام بتصرح
وتقول ابني
قتلوا
ضناها ونني عنيها
واسرى في
السجون ملينها
وزوجة
مستنية حبيبها
يرجع من
غربة كوتها
وتتجمع
تاني شمل العيلة
وادي
شباب لسه عاطلين
لا شغل
لاقين ولا متجوزين
وعلى
تويتر والفيس قاعدين
وفي كل
حاجة متكلمين
جا رمضان
وهل علينا
يلا نرجع
لهدي نبينا
اكيد
هيداوي جرح كاوينا
ونفرح
بعودة احباب لينا
عشنا
كتير ايام صعبين
نسينا
الفرح ونسينا الدين
والسياسة
اسرت عقولنا
وبقينا
في الهم كتير قاعدين
جا رمضان
يفكرنا تاني
ليك رب
بالخير ملاني
صوم
وقيام وعتق من النار
وشياطين
متسلسلة ليل نهار
حاول
تغير بقى من نفسك
يمكن في
يوم يتحقق حلمك
ربك خلقك
لهدف عظيم
عبادة
وراية للدين رافعين
جا رمضان
يمسح دموعنا
يصلح
قلوب كتير تايهين
يعلمنا
صبر لما نحس بجوعنا
ونفتكر
ناس كتير مساكين
اطوي
الايام كلها وانسى
وافتح
صفحة جديدة في حياتك
جاتلك
فرصة تغير نفسك
كتير
اتحرموا منها في زمنك
كانوا
رمضان اللي فات صايمين
ودلوقتي
في قبرهم متحسرين
نفسهم
يعيشوا ولو لحظة تاني
يصوموا
ويصلوا لرب العالمين
جا رمضان
واحنا عايشين
متضيعوش
واغتنم اوقاته
وإلا
هتبكي عليه كتير
يوم لا
هينفع مال ولا بنين
وكل سنة
وانتم طيبين
ورمضان
كريم ..:)
بقلم
هاجر صبري
ليست هناك تعليقات:
إرسال تعليق